ក្រុមអន្តរាគមន៍បង្ការបង្ក្រាប ខេត្តបាត់ដំបងបង្ក្រាបជនសង្ស័យម្នាក់ពីបទហិង្សាដោយចេតនា
27-March-2018 | ដោយ ពលមនសិការ
បាត់ដំបង ៖ ដោយអនុវត្តតាមការណែនាំបញ្ជាផ្ទាល់របស់ ឯកឧត្តម ឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង ក៏ដូចជាលោកឧត្តមសេនីយ៍ត្រី ជេតវណ្ណនី ស្នងការរងនគរបាលទទួលបន្ទុកផែនព្រហ្មទណ្ឌ លោក វរសេនីយ៍ត្រី ឈឿង គឹមសុង ប្រធានក្រុមអន្តរាគមន៍បង្ការបង្ក្រាប ជាក់ស្ដែងនៅថ្ងៃព្រហស្បតិ៍ ៦កើត ខែចេត្រ ឆ្នាំរកា នព្វស័ក ពុទ្ធសករាជ២៥៦១ត្រូវនឹងថ្ងៃទី២២ ខែមីនា ឆ្នាំ២០១៨ វេលាម៉ោង១៤និង៣០ នាទី នៅចំណុចភូមិ១៣មករា សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ក្រុមអន្តរាគមន៍បង្ការបង្ក្រាប បានចុះប្រតិបត្តិការ អនុវត្តតាមដីកាបង្គាប់ឲ្យចាប់ខ្លួន-ឃុំខ្លួន លេខ៥៣ ត.ព្រ/១៨ របស់ចៅក្រមស៊ើបសួរ លិ សុខា នៃសាលាដំបូងខេត្តបាត់ដំបង បានឃាត់ខ្លួនឈ្មោះធុល សីហា ភេទប្រុស អាយុ១៧ឆ្នាំ មានទីលំនៅភូមិបែកចានថ្មី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ដែលបានធ្វើសកម្មភាពជិះម៉ូតូជាមួយបក្សពួកយកកាំបិតដេញកាប់ជនរងគ្រោះឈ្មោះ ខៃ សំណាង កាលពីថ្ងៃទី១០ ខែមករា ឆ្នាំ ២០១៨ នៅចំណុចភូមិចំការសំរោង២ សង្កាត់ចំការសំរោងក្រុងបាត់ដំបង ខេត្តបាត់ដំបង បណ្ដាលឲ្យរបួសត្រូវចំក្បាលប្រអប់ដៃ និង ខ្នងជាច្រើនកាំបិតធ្វើឲ្យរបួសធ្ងន់ហើយថែមទាំង បានយកដំបងវាយ និង យកដុំថ្មមកគប់លើជនរងគ្រោះ មួយវិញទៀតពួកគេទាំងអស់គ្នាបានវាយម៉ូតូជនរងគ្រោះធ្វើឱ្យខូចខាតថែមទៀតផង។
ក្នុងនោះយើងបានធ្វើការដកហូតគ្រាប់បែកច្នៃចំនួន១ គ្រាប់ផងដែរ។ បច្ចុប្បន្នក្រុមអន្តរាគមន៍បង្ការបង្ក្រាបបានប្រគល់ឱ្យទៅការិយាល័យជំនាញដើម្បីចាត់ការតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ4911
- ម្សិលមិញ10851
- សប្តាហ៍នេះ71431
- ខែនេះ186581
- ឆ្នាំនេះ186581
- សរុប20629037